2472

Miðvikudagur 24. október 2018 9 DAGSKRÁIN - Fréttablað Suðurlands Fjármálastjóri Landgræðsla ríkisins óskar eftir að ráða fjármálastjóra Landgræðsla ríkisins er þekkingar- og þjónustustofnun. Markmið hennar eru verndun gróðurs og jarðvegs og bætt landgæði. Stofnunin starfar samkvæmt lögum um landgræðslu nr. 17/1965 og lögum um varnir gegn landbroti nr. 91/2002. Stofnunin hefur höfuðstöðvar í Gunnarsholti en er auk þess með starfsstöðvar á Egilsstöðum, Húsavík, Sauðárkróki, Hvanneyri og í Reykjavík. Starfs- og ábyrgðarsvið • Umsjón með bókhaldi og fjármálum Landgræðslunnar og sjá um að rekstur stofnunarinnar verði innan ramma fjárlaga og fjárhagsáætlunar í samstarfi við yfirmann og aðra sviðsstjóra. • Vinna að fjárhagslegri greiningu á verkefnum Landgræðslunnar, hafa umsjón með verkbókhaldi og vinna að gerð fjárhagsáætlana. • Vinna að gerð fjárlagatillagna Landgræðslunnar. • Annast uppgjör, m.a. uppgjör virðisaukaskatts og árlegt lokauppgjör. • Umsjón með útskrift og innheimtu reikninga svo og greiðslu reikninga. • Stjórnun skrifstofu og mötuneytis. • Þátttaka í gerð stofnanasamninga. • Fagleg ráðgjöf til starfsmanna stofnunarinnar. • Þátttaka í stjórnun og stefnumótun Landgræðslunnar. • Önnur verkefni sem yfirmaður felur honum. Menntun og hæfni Viðskiptamenntun eða sambærileg menntun og mjög góð þekking á fjármálum, bókhaldi og áætlanagerð. Starfsreynsla á sviði fjármála, bókhalds, áætlanagerðar og stjórnunar. Góð kunnátta í notkun tölvu- og upplýsingatækni. Vandvirkni, skipulagshæfni, frumkvæði og sjálfstæði í vinnubrögðum og góð samskiptahæfni. Góð kunnátta á bókhaldskerfi ríkisins Oracle. Um er að ræða 100% stöðu. Starfsstöðin er í höfuðstöðvum Landgræðslunnar í Gunnars- holti. Starfið hentar bæði konum og körlum. Æskilegt er að starfsmaður geti hafið störf sem fyrst. Laun eru skv. kjarasamningi ríkisins og þess stéttarfélags sem við á. Nánari upplýsingar um starfið veita Árni Bragason landgræðslustjóri (arni.bragason@land.is) og Sigurbjörg B. Ólafsdóttir starfsmannastjóri (sigurbjorg@land.is ). Umsókn skal fylla út og senda rafrænt á heimasíðu Landgræðslunnar, www.land.is. Ferilskrá og staðfesting á menntun skal fylgja. Öllum umsóknum verður svarað þegar ráðning liggur fyrir. Umsóknarfrestur er til og með 5. nóvember 2018. Auglýst eftir umsóknum um styrki frá Selfossveitum bs. vegna varmadælna Selfossveitur bs. áforma að veita styrki til eigenda og íbúa fasteigna með fasta búsetu í Sveitarfélaginu Árborg í því skyni að setja upp varmadælur. Markmiðið er að draga úr notkun raforku til upphitunar íbúðarhúsnæðis með fasta búsetu (lögheimili) á þeim svæðum sem dreifikerfi hitaveitu Selfossveitna nær ekki til. Fjárframlag til úthlutunar er í samræmi við fjárhagsáætlun Selfossveitna bs. vegna ársins 2019 eða allt að 800.000 kr. fyrir hvern umsækjanda, íbúðarhúsnæði, sem samþykkt er. Ekki verða veittir fleiri styrkir en fimm ár hvert. Ef heildarfjárhæð umsókna reynist hærri en styrkur til úthlutunar skv. fjárhagsáætlun verður dregið á milli gildra umsókna. Miðað er við að umsækjandi skili inn til Selfossveitna, Austurvegi 67, undirritaðri umsókn um styrk og geri í umsókninni grein fyrir hvaða framkvæmd stefnt er að, áætluðum orkusparnaði, hvaða áhrif framkvæmdin hefur á umhverfið og áætlaðan kostnað. Umsóknir skulu berast eigi síðar en 7. nóvember 2018. Einungis eru teknar til greina umsóknir sem berast innan tilskilins frests og uppfylla þær kröfur sem reglur Selfossveitna bs. kveða á um. Nánari upplýsingar og úthlutunarreglur má finna á vef Sveitarfélagsins Árborgar, www.arborg.is . Jafnframt má senda fyrirspurnir á netfangið sigurdur@arborg.is . U ndanfarna mánuði hafa heimamenn í Biskupstung­ um í góðu samstarfi við Ferða- og samgöngunefnd Landsam­ bands hestamannafélaga unnið að stóru verkefni er varðar kort­ lagningu og merkingu reiðleiða á Biskupstungnaafrétti. Upphaf verkefnisins má rekja til vinnu við nýtt aðalskipulag Bláskógabyggðar. Í þeirri vinnu var ítarlega lagst yfir reiðleiðir á afréttinum, sumum leiðum var lokað, aðrar eru takmarkandi þ.e. einungis má fara þær með hesta í taumi, ekki rekstra og sum staðar hefur umferð ríðandi manna ver­ ið beint af viðkvæmum gróður­ svæðum. Við auglýsingu aðalskipulags­ ins gerði Ferða- og samgöngu­ nefnd LH athugasemdir við sum­ ar af þeim breytingum á reiðleið­ um sem við lögðum til. Brugðist var við þeim athugasemdummeð því að funda með fulltrúum Ferða- og samgöngunefndar LH. Skemmst er frá því að segja að hvergi steytti á í okkar samræð­ um. Allir voru sammála um að með markvissum merkingum, kortlagningu reiðleiða, stýringu, góðum og aðgengilegum upplýs­ ingum um hvernig ferðast skal um hálendið, þá geti hestamenn og allir þeir sem njóta vilja hálendisins farið um það án þess að raska viðkvæmum svæðum. Niðurstaða fundarins var að merkja allar reiðleiðir á afréttin­ um og auk þess að koma upp fræðslu/upplýsingaskiltum við helstu áningarstaði. Alls urðu vegprestarnir 15 og vegvísar á þeim 42. Syðsti prest­ urinn er við Gullfoss og svo rekja þeir sig um allan afrétt alla leið inn á Hveravelli. Á hverjum veg­ presti er númer (póstnr. svæðisins og svo hlaupandi nr. 801.01 – 15). Vegprestarnir eru hnitsettir í kortasjá LH, Neyðarlínan er með öll hnit úr kortasjánni þ.e. reið­ leiðir, vegpresta, skála o.fl . þannig að öryggi þeirra sem ferð­ ast um hálendið eykst til muna. Fræðslu- og upplýsingaskiltin eru staðsett í Fremstaveri, Árbúð­ um og Svartárbotnum. Einnig í Sóleyjardal til upplýsinga fyrir þá sem fara um Þjófadali. Á þessum skiltum er kort af nær­ liggjandi svæði, örnefni, stutt ágrip um sögu viðkomandi svæð­ is og upplýsingar um það hvernig ferðast á um hálendið, skiltin eru bæði á ensku og íslensku. Kortin á skiltunum mynda saman eina heild frá byggð í Biskupstungum og norður í Guðlaugstungur. Vinna við verkefnið var unnin í sjálfboðavinnu. Hönnun skilt­ anna, textagerð, þýðing yfir á ensku, fundarseta og keyrsla í kringum verkefni og uppsetning skiltanna var unnið í sameiningu Tungnamanna og Ferða-og sam­ göngunefndar LH, enginn þáði laun fyrir. Eini kostnaðurinn við verkefnið var framleiðsla skilt­ anna, sá kostnaður var greiddur af LH, tæpar 2 milljónir. Það var svo á björtum og fögr­ um sunnudegi í lok ágúst sem vaskir Tungnamenn héldu inn á afrétt og hófu uppsetningu skilt­ anna. Ekki tókst að koma öllum vegprestunum upp fyrir haust­ annir en verkefnið verður klárað um leið og aðstæður leyfa næsta sumar. Guðrún S. Magnúsdóttir Fyrirmyndarverkefni áBiskupstungnaafrétti Bræðurnir Ólafur og Egill Jónassynir ánægðir með vel unnið dagsverk eftir uppsetningu skiltanna. Mynd tekin í Árbúðum. Kampakátir þýskir ferðamenn alsælir með framtak heimamanna, myndin er tekin í Sóleyjardal.