2472

6 Miðvikudagur 24. október 2018 DAGSKRÁIN - Fréttablað Suðurlands † Innilegar þakkir fyrir auðsýnda samúð og hlýhug vegna andláts og útfarar ástkærs eiginmanns míns, föður, tengdaföður, afa og langafa, Sigmars Karls Óskarssonar, Grænumörk 2, Selfossi Ingimunda G. Þorvaldsdóttir Katrín Sigmarsdóttir Örn Tryggvi Gíslason Sólveig Sigmarsdóttir Anna Snædís Sigmarsdóttir Snorri Þórisson Þorvaldur Nóason Anne Strøm Jón Sólberg Nóason Steinunn Geirmundsdóttir Hulda B. Nóadóttir Eiríkur Jónsson barnabörn og barnabarnabörn. L auftré og runnar geta kalið sem kallað er. Það gerist venjulega vegna sömu þátta og hjá sígrænum gróðri, en bæði sjaldgæfara og minna áberandi. Ef saman fer lágt hitastig og vindur er kælingin meiri og hætta á kalskemmdum sömu­ leiðis. Í köldu lofti er minni raki, en aukinn loftraki minnkar hættuna á því sem við skulum kalla þurrkskemmdir eða þurrkkal hjá sígrænum gróðri. Birta og lofthiti eru í lágmarki yfir vetrartímann. Þegar vetrarsólin skín á dökkan flöt, t.d. trjágrein eða barrnál, hækkar hitastigið inni í greininni eða nálinni. Frumur trjánna eru gerðar til að þola lágan hita. Þó hendir, að enda þótt fruman sé ekki í vexti yfir vetrartímann, þá þiðnar blað­ holdið og starfsemi frumunnar fer að hluta í gang. Við það tapast vatn sem erfitt er að mæta þegar jörð er frosin. Þá getur nálin þornað upp, sem margir nefna réttilega sólbruna. Þá gulnar sígrænn gróður og missir barrið seinni hluta vetrar og snemma vors. Ein ástæða þess að vetrar- sólbruni, sólbruni eða þurrkkal sígræns gróðurs er algengari hér en víða erlendis, er að vindur er meiri hér og skjólið minna. Við þekkjum mörg að úðun vatns yfir kartöflugarð getur komið í veg fyrir að grasið falli á kaldri nóttu, við mikla útgeislun eða takmark­ aðan raka. Á köldum, þurrum, sólríkum og næðingssömum degi, eftir að sólin fer að hækka á lofti, er mesta hættan á skemmdum á trjágróðri af þessu tagi. Það sem við getum þá gert, er að: Verja sígrænan gróður fyrir beinu sólarljósi. Auka magn trjágróðurs og hafa fleiri tré í kring/á svæðinu (þéttbýlinu), breiða greinar og lauf yfir lág­ vaxnari sígrænar plöntur. Auka skjólið með öðrum trjám/runnum, skjólgirðingu, skjólvegg, útsjónarsemi við skipulagsvinnu. Auka rakann með því að úða vatni yfir í sól og frosti. Það er best seinni hluta dags svo vatnið frjósi frekar og ísinn tolli á yfir nóttina. Hægt er að greina hvort um þurrkkal eða skemmdir vegna sitkalúsar er að ræða, með því að skoða eftirfarandi: Barrið fellur fyrst af, næst stofninum ef um sitkalús er að ræða og venjulega jafnt sólar- og skuggamegin. Hver nál sem lúsin bítur, gulnar fyrst út frá bitstaðnum. Bitið má glöggt sjá með berum augum á hverri nál. Lúsin byrjar á þeim nálum sem næst eru stofninum og endar yst úti á endum greinanna. Einkenni gulnunar vegna þornunar, koma fyrst fram sólarmegin og síður eða alls ekki norðan megin. Sitkalús sækir helst á grenitegundir og mun síður eða ekki á t.d. furu. Nánari upplýsingar: 892- 7709 og benni@sjalfbaer.com Vetrarskýling trjágróðurs Til vinstri: Skýrt dæmi um þurrkskemmdir á furu. Mynd frá skogur.is. Til hægri: Þurrkskemmdir á greni. Mynd er frá WSL Basar Basar Basar Basar handavinnuhóps Rauða krossins í Árnessýslu verður haldinn í húsnæði deildarinnar að Eyravegi 23 laugardaginn 27. október 2018. Opið frá kl. 10 til 14. Glæsileg handavinna á góðu verði: Vettlingar, sokkar, húfur, peysur, dúkar og allskonar fallegt handverk.Tilvalið í jólapakkann. Emblu diskótek L augardaginn 27. október nk. kl. 14:00 verður hið árlega haustdiskótek Lions­ klúbbsins Emblu haldið í Karlakórsheimilinu, 2. hæð, við Eyraveg 67 á Selfossi. Hinn óviðjafnanlegi Jón Bjarnason sér um fjörið og það klikkar aldrei hjá honum. Nú er bara að taka daginn frá, drífa sig á diskótek og skemmta sér með góðu fólki og hafa gaman saman. Lions­ klúbburinn Embla vonast til að sjá sem flesta. Embludiskótek. Árshátíð FEB Selfossi Árshátíð FEB Selfossi verður haldin föstudaginn 9. nóvember nk. í aðalsal Hótels Selfoss uppi. Húsið verður opnað kl. 18:15 en samkoman hefst kl. 19:00. Veislustjóri verður Eygló Lilja Gränz. Boðið verður upp á skemmtiatriði, happdrætti og matseðill að hætti hússins. Jón Bjarnason mun sjá um tónlist til kl. 24:00. Sala aðgöngumiða fer fram í anddyri að Grænumörk 5, fimmtudaginn 1. nóvember nk. Miðaverð er 7.000 krónur. S jóðurinn góði er samstarfs­ verkefni kvenfélaga, kirkju­ sókna, Lionsklúbba og Rauða kross deilda í Árnessýslu ásamt Félagsþjónustu Árborgar og Fé­ lagsþjónustu Árnesþings. Þetta samstarf hefur staðið síðan árið 2008 og hefur þann tilgang að veita þeim sem ekki eiga fyrir nauðþurftum aðstoð fyrir jóla­ hátíðina og einnig fyrir ferm­ ingar. Á síðasta ári veitti sjóðurinn 4,5 milljónir í styrki til 150 einstaklinga og fjölskyldna. Fjölmörg fyrirtæki, félagasam­ tök og einstaklingar hafa á undanförnum árum lagt Sjóð­ num góða lið með fjárfram­ lögum. Enn er þörf fyrir aðstoð við þá sem glíma við fjár­ hagserfiðleika. Öll framlög eru vel þegin. Reikningsnúmer sjóðsins er: 325-13-301169, kennitala 560269-2269. Umsóknir um aðstoð og úthlutun styrkja verður verður auglýst nánar í Dagskránni eftir miðjan nóvember. Sjóðurinn góði