2462

Miðvikudagur 15. ágúst 2018 25 DAGSKRÁIN - Fréttablað Suðurlands † Hjartans þakkir fyrir samúð og hlýhug við andlát og útför móður minnar, tengdamóður, ömmu og langömmu, AÐALHEIÐAR KARLSDÓTTUR, Lóu, Grænumörk 1, Selfossi. Sérstakar þakkir færum við starfsfólki á Heilbrigðis- stofnun Suðurlands, Ljósheimum og dvalarheimilinu Ási fyrir hlýja og góða umönnun. Erna Magnúsdóttir Steindór Kári Reynisson Aðalheiður Millý Steindórsd. Kristján Guðnason Elín Gíslína Steindórsdóttir og barnabarnabörn. † Eiginmaður minn, faðir okkar, WHQJGDIDèLU D¿ RJ ODQJD¿ KRISTJÁN ÁSMUNDSSON, bóndi í Ferjunesi, lést á Heilbrigðisstofnun Suðurlands sunnudaginn 5. ágúst. Útförin fer fram frá Villingaholtskirkju þriðjudaginn 21. ágúst kl. 14:00. Aðalheiður Kristín Alfonsdóttir Oddný Kristjánsdóttir Eiríkur Á. Guðjónsson Helga Kristjánsdóttir Heimir Hoffritz Ásmundur Kristjánsson G. Hildur Rósenkjær Eiríkur Steinn Kristjánsson Kolbrún I. Hoffritz Benedikt Hans Kristjánsson barnabörn og barnabarnabörn. Harmóníkuleikarar og þeir eigendur sem vilja sýna eða selja hljóðfærið sitt þurfa að koma gripunum í safnið ekki seinna en um eða fyrir hádegi laugardaginn 18. ágúst. (Fá að geyma þær í safninu). Munið að merkja nikkurnar sem sýndar verða og pússa af þeim rykið ef þurfa þykir. Ef vel tekst til gæti þetta orðið fastur liður í hátíðarhöldum Blómstrandi daga í Hveragerði. Hægt er að hafa samband við Björn Þórarinsson (Bassa) eða Úlfar Sigmars um nánari upplýsingar. Þ ann 18. ágúst nk. verður harmóníkusýning og markaður í Listasafni Árnesinga í Hveragerði. (Rétt hjá Kjörís). Allar nikkur eru vel þegnar, en þurfa þó að vera í þokkalegu lagi. Þekktir „nikkarar“ taka e.t.v. lagið einn til tveir í einu, allt eftir innblæstri. Fiðluleikari og gítarleikari verða til taks ef á þarf að halda, þarna verður hægt að kaupa og selja nikkur, þ.e. markaður. Festivalið hefst um kl. 14:00 og stendur fram eftir degi. Harmóníku–festival á Blómstrandi dögum í Hveragerði Rekstur samkomuhússins Gimli á Stokkseyri Sveitarfélagið Árborg auglýsir eftir áhugasömum aðilum sem vilja leigja efri hæð samkomuhússins Gimli á Stokkseyri. Um er að ræða rými sem inniheldur sal, anddyri, lítið eldhús og aðgengi að klósetti. Í Gimli hefur sl. ár verið rekið kaffihús ásamt upplýsingamiðstöð fyrir ferðamenn og stendur m.a. til boða að taka við núverandi rekstri í húsinu og kaupa búnað og húsgögn af rekstraraðila. Slíkt er þó ekki skilyrði en sveitarfélagið leggur upp með að sambærilegur rekstur verði í húsinu. Áhugasamir geta fengið nánari upplýsingar hjá Braga Bjarnasyni, menningar- og frístundafulltrúa Árborgar í síma 4801900 eða í tölvupósti á bragi@arborg.is . Umsóknir skal senda í tölvupósti á bragi@ arborg.is merkt „Gimli Stokkseyri“. Umsóknarfrestur er til 24. ágúst 2018. B yggð þróast og breytist. Hús ganga úr sér og þarfnast við- gerða og breytinga í takt við tím- ana. Breyttir atvinnuhættir og lífs- máti hafa oft kallað á tilfærslu eða flutninga húsa, tímabundið eða varanlega. Stundum er því haldið fram að það sé einhverskonar sögufölsun í því að flytja eða reisa hús sem staðið hafa í öðrum pláss- um. En hús vinna sér sess á nýjum stöðum þar sem þau sóma sér vel. Um það eru mýmörg dæmi. Aðflutt hús á Selfossi Útibú Landsbankans byrjaði starf- semi í tveimur herbergjum í Tryggvaskála 1918. Landsbankinn eignaðist svo verslunarhús Boga Sigurðssonar í Búðardal. Hinn kunni byggingameistari, Einar Einarsson, fór vestur og reif húsið. Efnið var síðan flutt á mótorbáti austur á Eyrarbakka og upp á Selfoss. Þegar komið var með allt timbrið var búið að steypa grunn- inn. Einar og hans fólk setti húsið saman og það var tekið í notkun um haustið 1919. Þar, að Austur- vegi 21, var bankinn til húsa í 35 ár. Verslunarhúsið Höfn sem á að endurbyggja í nýjumiðbæjarhverfi var upphaflega byggt í Þorláks- höfn, síðan var það flutt á Eyrarbakka og loks að brúarsporði Ölfusárbrúar á Selfossi. Nefna má einnig húsið Stað sem reist var á Eyrarbakka en flutt á Selfoss, nánar tiltekið að Sigtúni 3 þar sem PwC er til húsa í dag. Frönsku húsin á Fáskrúðsfirði Á Fáskrúðsfirði hefur Minjavernd í samstarfi við Fjarðabyggð endur- gert helstu hús sem Frakkar létu reisa þar á árunum 1985 til 1907. Franski spítalinn, sem fluttur var út á Hafnarnes við sunnanverðan fjörðinn rétt fyrir síðari heims- styrjöld, hafði verið í eyði um nærri 50 ára skeið þegar hugað var að endurreisn spítalans. Hann var að hruni kominn og ekki margar spýtur úr honum nýtilegar. Hann hefur nú verið endurgerður við Hafnargötu neðan við Læknis- húsið, sem Frakkar reistu 1907, og húsin tvö tengdmeð undirgöngum. Kapella Frakka, sem reist var 1898, hefur verið flutt í Hafnar- götuna og endurbyggð við hlið Sjúkraskýlisins, endurgerðs fyrsta húss sem Frakkar reistu á Fáskrúðsfirði 1896. Ennfremur hefur Líkhúsið verið endurgert. Saman standa nú hús Frakkanna á Fáskrúðsfirði eða endurgerðir þeirra í nýju og glæsilegu sam- hengi með hlutverk sem hæfir okkar tímum. Sumt nýsmíði og annað endurgert frá grunni eða mikið endurnýjað. Ráðherrabústaðurinn frá Flateyri Ráðherrabústaðurinn við Tjarnar- götu 32, var lengi táknmynd Reykjavíkur, en hann stóð upp- haflega á Flateyri. Hans Ellefsen sem stóð fyrir mikilli hvalstöð á Flateyri reisti húsið 1892 en seldi Hannesi Hafstein það á 5 krónur um aldamótin. Hannes tók húsið niður og flutti það til Reykjavíkur árið 1910 þar sem það hefur síðan gegnt virðulegu hlutverki. Stórhúsið Túngata 3 á Ísafirði kom frá Hattardalseyri. Aðalhúsið í Glaumbæ í Skagafirði er frá Ási í Hegranesi. Bærinn á Hvammi í Hvammsfirði (1874) kom frá Arnarbæli á Fellsströnd á stríðs- árunum. Atlahús í Sandgerði er frá Bolungarvík. Elsta hús Hvamms- tanga, Sjávarborg, hét áður Möll- ershús og hafði verið flutt þrisvar. Fyrir nokkrum árum var hús flutt frá Lindargötu í Reykjavík til Stykkishólms. Fischershús, stolt Keflavíkur, var flutt frá Dan- mörku. Hillebrandshús á Blöndu- ósi sem sumir telja elsta timburhús landsins (etv. 1733) kom frá Skagaströnd. Rauða húsið svo- kallaða, sem lengi stóð áAkureyri, var upphaflega smíðað í Noregi, flutt á Svalbarðsströnd, svo á Akureyri og loks að Botni í Hrafnagilshreppi. Prentsmiðja Skúla Thoroddsen var byggð á Bessastöðum en síðan flutt til Reykjavíkur. Pakkhúsið á Hofsósi (ca 1771) var flutt frá Danmörku. Þannig mætti lengi telja. Selfosshús í forgrunni Sigtún þróunarfélag hefur í við- leitni til þess að skapa heildar- yfirbragð miðbæjarhverfis í göml- um og hlýlegum stíl stillt saman horfnum húsum sem staðið hafa víða og enn eru til myndir eða teikningar af. Þau tilheyra öll íslenskri byggingasögu og fá nýtt og verðugt hlutverk. Upphafssaga bygginga á Selfossi er þó í for- grunni með Gamla mjólkurbúið og Sigtún sem flaggskip. Allt er þetta í góðu samræmi við hús- flutninga, innflutning á húsum og endurgerð húsa í nýrri og gamalli byggingasögu. Mörg hús sem eftirsjá er af hafa orðið eyðileggingu, skiln- ingsleysi eða vanhirslu að bráð. Endurgerð, endurbygging og sam- stilling í nýju samhengi eru allt þekktar leiðir sem farnar hafa verið víða um land og um allan heim. Markmiðin eru oftast að endurnýja í samræmi við ákveðna heildarsýn til þess að halda í söguleg og fagurfræðileg einkenni gamallar byggðar og sérkenni í byggingarstíl og efnisnotkun. Nýr miðbær á Selfossi er í þeim anda. Gömul hús á ferð um landið Eftir Guðjón Arngrímsson og Leó Árnason Sláturhús Selfossi Störf í sláturtíð haustið 2018 Sláturfélag Suðurlands óskar eftir að ráða slátrara sem og almenna starfsmenn til starfa í sláturtíð sem hefst í byrjun september og stendur í tvo mánuði. Umsækjendur eru vinsamlegast beðnir um að sækja um starf á heimasíðu félagsins www.ss.is undir „sækja um starf“. Nánari upplýsingar hjá SS á Selfossi í síma 480 4100. Upplýsingar um SS er hægt að nálgast á heimasíðu fyrirtækisins, www.ss.is .