Haldið var upp á Dag leikskólans á Leikskólanum Undralandi og Leikskólanum Óskalandi í Hveragerði í gær mánudaginn 6. febrúar. Af því tilefni unnu leikskólarnir samvinnuverkefni. Börnin notuðu verðlaust efni og bjuggu til vindhörpu. Listaverkin voru síðan hengd upp í Smágörðunum við Hótel Örk. Börnin af báðum leikskólunum hittust og sungu þrjú lög, Krummi Krunkar úti, Nú er frost á fróni og Í leikskóla er gaman. Eftir það héldu allir aftur til baka og héldu áfram að leika og skapa góðar minningar.
Haldið upp á Dag leikskólans í Hveragerði
![dagur_leikskolans Dagur leikskólans á Leikskólanum Undralandi og Leikskólanum Óskalandi í Hveragerði.](https://i0.wp.com/www.dfs.is/wp-content/uploads/2017/02/dagur_leikskolans.jpg?resize=1000%2C750&ssl=1)