Á morgun, föstudaginn 19. janúar, er bóndadagur og þá hefst þorrinn með öllum sínum þjóðlegu siðum og venjum. Í gömlum sögnum frá 19. öld segir að á bóndadag eigi húsmóðir að gera vel við bónda sinn í mat. Um leið og þorrinn gengur í garð hefjast líka þorrablótin.
Í Sveitarfélaginu Árborg eru fjögur opinber þorrablót. Um komandi helgi eða laugardaginn 20. janúar verður 17. Selfossþorrablótið og er enn hægt að fá miða í Galleri Ozone. Þann 27. janúar verður Eyrarbakkablótið, 10. febrúar er Stokkseyrarblótið og svo er sameiginlegt þorrablót Sandvíkurhrepps og Hraungerðishrepps í Þingborg 3. febrúar.
Fjöldi þorrabláta fara svo fram um allt Suðurland á þorranum eins og jafnan á þessum tíma árs. Konudagurinn er síðan 18. febrúar þegar góan byrjar. Þá keppast bændur við að gera vel við konur sínar.
