„Við viljum gjarnan vekja athygli á nýja handavinnuhorninu okkar. Þar er yndislegt að láta fara vel um sig og kíkja í ný og gömul blöð um allar heimsins aðferðir við að skapa og skemmta sér,“ segir Heirún Dóra Eyvindardóttir, forstöðumaður Bókasafns Árborgar.
![](https://i0.wp.com/www.dfs.is/wp-content/uploads/2017/10/ingibjorg_ingadottir.jpg?resize=300%2C230&ssl=1)
„Í handavinnuhorninu má finna prjónablöð, ýmislegt um hekl, útsaum, fatasaum, keramik, útskurð, bútasaum, páskaföndur, jólaföndur o.fl. Við sem vinnum á bókasafninu erum öll af vilja gerð að vera fólki til aðstoðar og veita upplýsingar. Við vekjum þó sérstaka athygli á að alla föstudaga milli kl. 15 og 17 er Ingibjörg Ingadóttir við, en hún er vel að sér í þessari deild og tilbúin að deila þeirri þekkingu með ykkur.“