Samkomulag hefur náðst á milli sveitarstjóra Grímsnes- og Grafningshrepps og sveitarstjórnar um starfslok Iðu Marsibilar Jónsdóttur sveitarstjóra. Hún hefur gegnt embættinu frá árinu 2022.
Kemur þetta fram á heimasíðu Grímsnes- og Grafningshrepps.
Sveitarstjórn þakkar fráfarandi sveitarstjóra fyrir vel unnin störf í þágu sveitarfélagsins og óska henni velfarnaðar í framtíðinni á heimasíðu sinni.
Sveitarstjórn Grímsnes- og Grafningshrepps mun á næstu dögum taka ákvörðun um hvernig verður staðið að ráðningu nýs sveitarstjóra.
