Sýningin Summa & Sundrung með listamönnunum Steinu, Woody Vasulka og Gary Hill, sem var framleidd af Listasafni Árnesinga og House of Arts Brno, hlaut fyrstu verðlaun hjá menningarmálaráðuneytinu í Tékklandi þann 19. nóvember sl. sem besta alþjóðlega myndlistarsýningin á síðasta ári en sýningin ferðaðist frá Hveragerði og yfir til House of Arts, Brno í Tékklandi.
Sýningarstjórar sýningarinnar voru Kristín Scheving, Halldór Björn Runólfsson og Jennifer Helia Defelice.
„Sýningin var samstarfsverkefni þessara tveggja stofnana og er það afar ánægjulegt að hún hafi hlotið þessi verðlaun,“ segir í tilkynningu frá Listasafni Árnesinga.
Styrktaraðilar að sýningunni voru: Safnaráð, Uppbyggingarsjóður Suðurlands, Thoma Foundation, BERG Contemporary, Hveragerðisbær, Brno-borg, menningarsjóður Tékklands og Vasuka Kitchen Brno.
