Maðurinn sem féll í Tungufljót nálægt Geysi fyrr í dag er látinn.
Þetta kemur fram í tilkynningu frá lögreglunni á Suðurlandi.
Straumvatnsbjörgunarmenn náðu manninum upp úr ánni og hófu strax endurlífgunartilraunir á honum, en þær báru ekki árangur.
Aðstæður á vettvangi voru krefjandi, rigning og mikið vatnsmagn í ánni.
Tildrög slyssins eru til rannsóknar hjá lögreglunni á Suðurlandi.
