![Stuðningsfulltrúi á sérnámsbraut Stuðningsfulltrúi á sérnámsbraut](https://i0.wp.com/www.dfs.is/wp-content/uploads/2022/09/fsu-logo.jpg?fit=768%2C479&ssl=1)
Stuðningsfulltrúi á sérnámsbraut
Fjölbrautaskóla Suðurlands
Fjölbrautaskóli Suðurlands auglýsir eftir tveimur einstaklingum í stöðu stuðningsfulltrúa á sérnámsbraut í 50-60% starfshlutfall. Umsækjendur þurfa að hefja störf sem fyrst.
Skriflegar umsóknir ásamt greinargerð um menntun, fyrri störf/starfsreynslu berist Fjölbrautaskóla Suðurlands, Tryggvagötu 25, 800 Selfossi.
Leitað er eftir skipulögðum einstaklingi með mikla þjónustulund, þolinmæði og jákvæða framkomu. Mikilvægt er að viðkomandi hafi áhuga á að vinna með nemendum á sérnámsbraut. Öll kyn eru hvött til að sækja um.
Stuðningsfulltrúi starfar með nemendum á sérnámsbraut, aðstoðar þau við daglegar athafnir og virka þátttöku í skólastarfinu. Hann vinnur eftir áætlunum sem sviðstjóri og kennarar setja. Hann ýtir undir færni og sjálfstæði nemenda. Hann fylgir nemendum um skólann í frímínútum, matartímum og í vettvangsferðum á vegum skólans. Auk þess annast hann ýmis störf sem honum eru falin af sviðstjóra og falla undir starfsvið hans.
Laun eru samkvæmt kjarasamningi FOSS og stofnanasamningi skólans.
Umsóknarfrestur er til 9. september 2024.
Nánari upplýsingar um starfið veita Jónína Ósk sviðsstjóri sérnámsbrautar, jonina@fsu.is og/eða Soffía Sveinsdóttir skólameistari, soffia@fsu.is eða í síma 480 8100 á skrifstofutíma.
Frekari upplýsingar um skólann má finna á heimasíðu hans www.fsu.is.
Skólameistari
To apply for this job email your details to jonina@fsu.is