Framkvæmdir eru hafnar við lagfæringar á svæðinu við skyndibitastaðina sem eru við enda Ölfusárbrúar á Selfossi. Jafnframt verður svæðið norðan við Selfossbíó lagfært og gerðar ráðstafanir til að koma í veg fyrir að ekið sé upp á grassvæði við inngang bíósins við Selfossveg. Meðan á framkvæmdum stendur verður lokað fyrir aðra akstursleiðina inn á svæðið af Eyravegi og bílastæðum fjölgað. Breytingarnar eru gerðar í samráði við eigendur húsnæðis og rekstraraðila á svæðinu.
Breytingar á svæðinu við enda Ölfusárbrúar
