Sauðfjárréttir á Suðurlandi hófust sl. föstudag í Hrunamanna- og Gnúpverjahreppum.
Um helgina voru svo Reykjaréttir á Skeiðum, Tungnaréttir í Biskupstungum, Haldréttir og Þóristunguréttir í Holtamannaafrétti. Á mánudag var svo réttað á Fjallrétt við Þórólfsfell.
„Skin og skúrir í Hrunaréttum og óvenju glaðlegir litir á klæðnaði réttagesta. Sama hvernig viðrar er alltaf gaman í réttum. Það er gert hlé á réttastörfum til að borða nestið, sem víða var vel í lagt og kunningjar eiga saman spjall,kannski bara einu sinni á ári… í réttunum,“ sagði Helga Ragnheiður Einarsdóttir, sem mætt hefur í réttir áratugum saman, í samtali við Dagskrána. Helga sendi okkur meðfylgjandi myndir sem sýna ánægða og litskrúðuga réttagesti, þrátt fyrir augljósa úrkomu.
Hér fyrir neðan má sjá lista yfir tímasetningar á auglýstum réttum sem framundan eru á landshlutanum.
Laugardaginn 16. september
Reyðarvatnsréttir á Rangárvöllum kl 11:00
Fossvallarétt í Lækjarbotnalandi kl 14:00
Húsmúlarétt við Kolviðarhól, Árn. kl. 14.00
Heiðarbæjarrétt í Þingvallasveit, Árn. kl. 15.00
Sunnudaginn 17. september
Fljótshlíðarrétt í Fljótshlíð, Rang. kl. 11.00
Þórkötlustaðarétt í Grindavík kl. 14.00
Ölfusrétt í Reykjadal, Ölfusi kl. 15.00
Brúsastaðarétt í Þingvallasveit, Árn. kl. 17.00
Mánudaginn 18. september
Grafningsrétt í Grafningi kl. 9.45
Fimmtudaginn 21. september
Landréttir við Áfangagil, Rang.
Laugardaginn 23. september
Seljalandsréttir undir Eyjafjöllum, Rang.
Sunnudaginn 24. september
Selvogsrétt í Selvogi, Árn. kl. 9.00
Austur-Landeyjaréttir hjá Grenstanga, Rang. kl. 14.00
Vestur-Landeyjaréttir við Forsæti, Rang. kl. 14.00
Heimild: Bændablaðið.
