Sýning á verkum Gunnars Gränz opnaði í Listagjánni í Bókasafni Árborgar í byrjun júlí sl. Sýning Gunnars fjallar um veröld sem var – hús sem eitt sinn stóðu á Selfossi en eru nú, einhverra hluta vegna, horfin. Sýningin er tileinkuð Karlsskála, sem stóð við Kirkjuveg 5 – þar sem nú eru bílastæði hótelsins, og þeim er reistu skálann fyrir 75 árum þegar heimsstyrjöldin síðari stóð sem hæst. Á sýningunni er blönduð list, myndlist og ljósmyndir af því sem áður var. Sýningin stendur út júlímánuð.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.