Guðmundur Tyrfingsson skrifaði í dag undir tveggja ára samning við knattspyrnudeild Selfoss. Guðmundur kemur til liðsins frá ÍA þar sem hann hefur spilað undanfarin ár.
![](https://i0.wp.com/www.dfs.is/wp-content/uploads/2022/07/Unknown-3-1.jpeg?resize=696%2C464&ssl=1)
Eins og Sunnlendingar flestir vita er Guðmundur fæddur og uppalinn á Selfossi og steig sín fyrstu skref í meistaraflokksbolta hér. Hann spilaði síðast með Selfyssingum sumarið 2020 áður en hann var seldur á Skagann um mitt tímabil.
![](https://i0.wp.com/www.dfs.is/wp-content/uploads/2022/07/Unknown-2-2.jpeg?resize=696%2C464&ssl=1)
,,Ég er virkilega spenntur fyrir því að vera kominn heim á Selfoss og fá að klæðast vínrauðu treyjunni á nýjan leik. Það eru spennandi hlutir að gerast á Selfossi sem sýnir sig best á stöðutöflunni í Lengjudeildinni,“ sagði Guðmundur við undirskriftina.
Guðmundur verður strax gjaldgengur með Selfossi og gætu stuðningsmenn okkar séð hann spila sínar fyrstu mínútur strax á fimmtudag gegn Gróttu.
![](https://i0.wp.com/www.dfs.is/wp-content/uploads/2022/07/Unknown-1-2.jpeg?resize=696%2C464&ssl=1)