Ef marka má umferðaröngþveitið á Eyraveginum og nálægum götum eru margir sem fara í sýnatöku í dag. Sjálfsagt hafa einhverjir tekið kipp í gær við fregnir af smitum á Álfheimum og í Vallaskóla. Í gærkvöldi var orðið fullt í sýnatöku í dag og fólk beðið að bóka næsta dag nema málið þyldi ekki bið. Á drónamyndinni hér að neðan má sjá hluta af röðinni sem teygir sig frá hringtorginu við brúna og alla leið í kjallarann við Krónuna, þar sem sýnin eru tekin. Starfsfólk HSU er orðið þjálfað í sýnatökunni og hvert sýni tekur skamma stund. Röðin silast því hægt og bítandi áfram.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.