Ef þið vissuð það ekki að þá voru Gunnhildur Rán Hjaltadóttir og Auður Hlín Ólafsdóttir að útskrifast 27. júní, Gunnhildur sem ljósmóðir og Auður með BS í lyfjafræði. Þær eru svo hógværar og lítið fyrir athyglina að þær héldu ekki útskriftarveislur sér til heiðurs. Vinahópur þeirra er mjög lausnamiðaður og gætir jafnræðis og því verður þeirra 15 mínútna frægð á þessu formi.
Gunnhildur er þverskurður af öllum kjarnakonum íslandssögunnar og er gjarnan kölluð Gunnhildur langbrók. Hún er ein mesta moðerfokking badass lærdómskona sem við höfum komist í tæri við og hún fer bráðum að slá Gogga Bjarnfreðarsyni út, svo margar eru gráðurnar að við erum löngu hættar að telja. Þrátt fyrir að vera mikil ofurkona sem getur allt á hún þó einn þann besta betri helming sem fyrirfinnst, hann Inga sinn, sem elskar fátt meira en að fá konuna sína heim smá tipsy eftir vinkonuhittingana. („Goggi… Goggi minn!“) Gunnhildur lætur líta út fyrir að hún hafi ekkert fyrir náminu, hún virðist vera fædd sem námsmaður og rúllar upp hverjum áfanga á fætur öðrum. Falleg að innan sem og utan en sumum bregður þó í brún þegar hún opnar á sér trantinn, enda komin af sjómannsættum. Hún er enginn bullshitt-ari og getur ekki umgengist fólk sem er falskt enda hrein og bein og kemur til dyranna eins og hún er klædd, það er að segja ef hún er klædd!
Auður Hlín er ákveðin, traust og hefur þá lífsspeki að allir hlutir eiga að gerast í gær og ef það gerðist ekki þá lætur hún þá gerast í fyrradag. Góðir hlutir gerast hratt! Auður er gædd þeim hæfileika að fá fólk til að ganga frá eftir sig, hún hefur einstakt lag á að koma fólki í skilning um að vera ekki HÁLFVITAR og notar gjarnan þekkta uppeldisaðferð sem kallast „að hræða fólk til hlýðni“. Hún er ekki einungis góður og staðfastur námsmaður heldur eru hún góður og traustur vinur líka. Svo er hún rosalega góð að para sama ólíkar sælgætistegundir eins og Turkis-Góu-kúluna, sem er eitt af afsprengjum hennar. Það var alltaf gaman að læra með Auði í Fjölheimum og hún gengdi ekki einungis stöðu nemanda þar heldur var hún einnig sjálfskipaður umsjónarmaður fasteigna, þið sem þekkið til, þið vitið!
Elsku strandarpíurnar okkar, innilegar hamingjuóskir með útskriftina.
Ykkar Kleyfhugar í Hinu fordómalausa þverfaglega þekkingarsamfélagi
