Haldin var nafnasamkeppni um nýjan leikskóla sem rís í Engjalandi á Selfossi. Alls voru átján þátttakendur í nafnasamkeppninni sem áttu vinningstillöguna sem varð fyrir valinu, en leikskólinn hlaut nafnið Goðheimar. Dregið var á milli þátttakenda hver þeirra fengi verðlaun en það var Guðrún Hrafnhildur Klemenzdóttir sem hreppti þau. Í verðlaun var út að borða fyrir tvo í Tryggvaskála og fallegur blómvöndur. Það voru Arna Ír Gunnarsdóttir formaður fræðslunefndar og Anna Ingadóttir deildarstjóri skólaþjónustu sem veittu verðlaunin.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.