Starfsmenn Sveitarfélagsins Árborgar hafa haft í nógu að snúast við að moka frá niðurföllum og veita burt vatnsaganum sem myndaðist í hlákunni sl. nótt og í morgun. Víða voru klakastykki yfir niðurföllum eða íshröngl sem hefti aðgengi vatnsins að niðurföllum. Samkvæmt Veðurstofu Íslands er útlit fyrir að hitinn verði frá 0-6° fram eftir vikunni og yfirleitt frostlaust við suðurströndina.
![Gullleitartæki Sveitarfélagsins Árborgar var drifið á staðinn. Mynd: BRV.](https://i0.wp.com/www.dfs.is/wp-content/uploads/2019/02/IMG_1141-1.jpg?resize=696%2C464&ssl=1)
![Ýmsum ráðum er beitt við að finna niðurföllin. Það voru þó minnugir menn sem á endanum höfðu rétt fyrir sér. Mynd: BRV](https://i0.wp.com/www.dfs.is/wp-content/uploads/2019/02/IMG_1137-1.jpg?resize=696%2C464&ssl=1)
![Búið að finna niðurfallið. Nú er að brjóta sér leið í gegn. Mynd: BRV](https://i0.wp.com/www.dfs.is/wp-content/uploads/2019/02/IMG_1144-1.jpg?resize=696%2C464&ssl=1)
![Þegar handaflið dugði ekki til kom spánný JCB grafa Árborgar og leysti málið umsvifalaust. Mynd: BRV](https://i0.wp.com/www.dfs.is/wp-content/uploads/2019/02/IMG_1145-1.jpg?resize=696%2C464&ssl=1)