Íslandsmót Judosambands Íslands 2025 fyrir aldursflokkana U13, U15, U18 og U21 fór fram laugardaginn 12. apríl í húsnæði Judodeildar Ármanns. Alls voru 110 keppendur skráðir til leiks og um 100 mættu til keppni á mótsdegi.
Judodeild UMFS var þriðji stærsti klúbburinn og sendi 17 keppendur til leiks og skilaði liðið eftirtektarverðum árangri: 1 gullverðlaun, 4 silfurverðlaun og 9 bronsverðlaun.
Flott mót hjá hópnum en meirihlutinn fer einnig til Danmerkur næstu helgi að keppa á Copenhagen Open og í æfingabúðir.
Skemmtilegt var að fylgjast með yngstu krökkunum og þar á meðal Oleksii sem varð Íslandmeistari í U13. Fannar Júlíusson var með flotta endurkomu eftir pásu frá keppni. Óðinn og Gestur kepptu báðir upp fyrir sig um þyngdarflokk en stóðu sig virkilega vel þrátt fyrir þyngdarmuninn.
Gullverðlaun
- Oleksii Ohorodnyk – U13 -50 kg
Silfurverðlaun
- Ella Rogge – U18 -63 kg og brons í U21
- Óðinn Ingason – U21 -60 kg
- Mikael Ólafsson – U18 – 81 kg
- Sigurður Baldvinsson – U13 -66 kg
Bronsverðlaun
- Kolbrún Baldvinsdóttir – U13 -44 kg
- Svava Stefánsdóttir – U13 -57 kg
- Dynþór Halldórsson – U13 -42 kg
- Ágúst Ragnarsson – U13 -50 kg
- Fannar Júlíusson – U21 – 73 kg
- Gestur Maríasson – U21 -60 kg og U18
- Styrmir Hjaltason – U21 -81 kg
Jónas Gíslason – U15 – 66kg 4. sæti
Þjálfarar voru Egill Blöndal og Heiðrún Fjóla Pálsdóttir.
