Það verður kaffihúsastemning í kvöldmessu í félagsheimilinu Árnesi sunnudagskvöldið 6. apríl kl. 20:30. Þar mun Kirkjukór Stóra-Núps- og Ólafsvallasókna syngja hugljúf lög og sálma undir stjórn Þorbjargar Jóhannsdóttur organista. Orð og bænir verða fluttar á milli söngva en sérstakur gestur verður Guðný Einarsdóttir söngmálastjóri kirkjunnar. Hún flytur ávarp og afhendir völdum kórfélögum Liljuna sem er viðurkenning fyrir áratugastarf í kirkjukór. Allir eru hjartanlega velkomnir á þessa notalegu kvöldsamveru í Árnesi, heitt á könnunni og sæti fyrir alla.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.