HSK-mót karla og kvenna í blaki lauk nýverið. Dímon Hekla bar sigur úr býtum í kvennaflokki og Hamar vann með fullt hús stiga í karlaflokki.
Seinni umferð HSK kvenna var spiluð á tveimur kvöldum þar sem tíu lið voru skráð til leiks.
Um neðri sæti mótsins var spilað þriðjudaginn 4. mars á Laugarvatni en um efri sætin þann 10. mars á Flúðum. Kvöldin voru bæði löng og ströng og klukkan var farin að ganga tólf á miðnætti þegar allir leikir höfðu verið spilaðir. Bæði kvöldin heppnuðust vel og voru margar oddahrinur spilaðar enda oft ansi mjótt á munum.
Úrslitin voru eftirfarandi:
1. Dímon Hekla A – 11 stig
2. Hrunakonur A – 10 stig
3. Laugdælur A – 5 stig
4. Dímon Hekla B – 4 stig
5. Laugdælur B
6. Dímon Hekla C
7. Hrunakonur B
8. Mímir
9. Hamar
10. Hvöt.
Ljósmynd: Aðsend.
Ljósmynd: Aðsend.
Hsk-mót karla var einnig á dögunum og eru Hamarsmenn HSK-meistarar karla í blaki árið 2025 með fullt hús stiga.
Úrslitin voru eftirfarandi:
- Hamar 12 stig
- UMFL 8 stig
- UMFH 7 stig
- Mímir 3 stig
- Naglar 0 stig
Fyrri umferð fór fram á Laugarvatni 19. nóvember en sú seinni á Flúðum þann 5. mars og tóku fimm lið þátt sem er fjölgun um tvö.
Ljósmynd: Aðsend.
Ljósmynd: Aðsend.
