Íbúar í Þorlákshöfn eru orðnir þreyttir á ítrekuðum skemmdarverkum á bifreiðum í bæjarfélaginu. Öll skemmdarverkin hafa verið framin í sama hverfi- Sambyggð. Umræður hafa skapast um verknaðinn á íbúasíðu bæjarfélagsins á Facebook. Fólk er að lenda í því að númeraplötur séu teknar af bílum og brotnar í tvennt, armar á bílum eru brotnir, rúðurþurrkum stolið og einn tekur fram að búið hafi verið að losa alla bolta á framdekki á bílnum hans og segir hann heppilegt að ekki hafi farið illa. Lögreglunni hefur verið gert viðvart um málið en íbúar óttast að verknaðurinn haldi áfram sé ekkert gert.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.