Ægir Þór Steinarsson er matgæðingur vikunnar.
Þessi réttur er ljúffengur, léttur og með suðrænu ívafi. Hann sameinar milda fegurð túnfisks með ferskum bragðnótum úr avókadó og ponzusósu.
Túnfisksteik
• 400 g ferskur túnfiskur (helst í heilum bita)
• 2 msk ólífuolía
• Salt og pipar
• 1 msk sesamfræ (svört og hvít blanda)
Hitið ólífuolíu á pönnu við háan hita. Kryddið túnfiskinn með salti og pipar og þrýstið sesamfræjunum á báðar hliðar. Steikið túnfiskinn í 30-60 sekúndur á hvorri hlið (hann á að vera rauður að innan). Látið standa í 2 mín áður en þið skerið hann í þunnar sneiðar.
Avókadópuré
• 2 þroskuð avókadó
• 1 msk lime-safi
• 1 tsk ólífuolía
• Salt eftir smekk
Stappið avókadóið með gaffli eða blandið í matvinnsluvél ásamt lime-safa og ólífuolíu. Kryddið með salti og blandið þar til áferðin er silkimjúk.
Ponzusósa
• 4 msk sojasósa
• 2 msk lime-safi
• 1 msk hrísgrjónaedik
• 1 tsk hunang
• 1 tsk rifinn engifer
Blandið öllum innihaldsefnum saman í skál og látið standa í nokkrar mínútur til að bragðiðblandist vel saman.
Skreyting
• Ferskt kóríander
• Smátt saxaður rauðlaukur
• Chili-flögur eða þunnar skífur af fersku chili
Samsetning
1. Setjið skeið af avókadópuré í miðjuna á diski og sléttið út.
2. Leggið túnfiskbitana fallega ofan á puréið.
3. Hellið ponzusósu létt yfir túnfiskinn eða framreiðið hana til hliðar.
4. Skreytið með fersku kóríanderi, smá rauðlauk og chili-flögum fyrir frískandi og kryddaða áferð.
Ég skora á Sigurð Kristmundsson, matgæðing af guðs náð, að sýna okkur hvernig hann töfrar fram dýrindis rétt með sitt einstaka lag og hugmyndaflug!
