Nemendur 10. bekkja í Vallaskóla hafa undanfarnar vikur verið að vinna við að búa til stjórnmálaflokka. Verkefnið er samþættingarverkefni samfélagsfræði og íslensku. Afraksturinn var kynntur í skólanum í dag. Settar voru upp kosningaskrifstofur í Austurrými skólans þar sem flokksmeðlimir kynntu sýna flokka og þeirra stefnumál. „Skemmst er frá því að krakkarnir stóðu sig vel og gaman var að sjá hvað þau höfðu lagt vel fram í verkefninu,“ segir á heimasíðu skólans.
Nemendur unglingadeildar munu svo ganga til kosninga föstudaginn 13. desember og verða úrslit kynnt í kjölfarið.
