Hamar og Limax spila seinni leik liðanna í áskorendakeppni evrópska blaksambandsins í Digranesi kl. 19:00 í kvöld.
Hamar tapaði fyrri leiknum 3-0 en átti ágæta spretti í leiknum, sérstaklega í annarri hrinu.
Það er því á brattann að sækja fyrir Hamarsmenn sem ekki njóta heimavallaréttarins til fulls þar sem keppnisvöllur þeirra í Hveragerði uppfyllir ekki staðla evrópska blaksambandsins (CEV).
Þetta er í fyrsta skipti sem íslenskt lið tekur þátt í þessari keppni á vegum CEV og Hamarsmanna bíður ærið verkefni í Kópavoginum annað kvöld.
Að sögn fyrirliða Hamars, Hafsteins Valdimarssonar, eru Hamarsmenn tilbúnir í leikinn. Allir leikmenn eru heilir heilsu og vonast þeir til að blakáhugafólk láti sjá sig á pöllunum í Digranesi enda um einstakan viðburð að ræða í íslenskri blaksögu.
