Oddi bs. hefur gengið frá ráðningu í starf skólastjóra Laugalandsskóla en það var Jónas Bergmann Magnússon, sitjandi skólastjóri, sem var ráðinn.
Í umsögn Odda bs. um ráðninguna kemur fram að Jónas hafi leyfi menntamálaráðuneytisins til að nota starfsheitið grunnskólakennari, hann hafi lokið þremur námskeiðum í stjórnunarnámi (stjórnun menntastofnana við HÍ) og búi yfir farsælli stjórnunarreynslu og fjölbreyttri kennslureynslu á grunnskólastigi.
Jónas gegndi stöðu aðstoðarskólastjóra við Laugalandsskóla frá árinu 2020 og hefur starfað sem skólastjóri frá 1. desember 2023. Hann er því þaulkunnugur skólanum og því metnaðarfulla starfi sem þar er sinnt.
