Héraðsmót unglinga í blaki var haldið á Hvolsvelli sl. föstudag, þann 22. mars sl. og mættu samtals tíu lið til leiks frá fimm félögum.
Unglingamót HSK var fyrst haldið árið 1980 og frá 1999 hefur verið keppt í drengja- og stúlknaflokki á mótinu.
Það var gaman að sjá keppendur að nýju úr uppsveitum Árnessýslu, en Laugdælir sendu lið í báða flokka. Unglingar þaðan hafa ekki mætt á mótið síðan 2015. Þá sendu Laugdælir og Hrunamenn sameiginlegt lið í stúlknaflokk og hafa Hrunamenn ekki verið meðal þáttttakenda á mótinu síðan árið 2000.
Spilað var upp í 21 stig í hrinu og leiknar voru tvær hrinur í hverjum leik, þ.e. engin oddahrina.
Dímon vann HSK meistaratitilinn bæði í stúlkna- og drengjaflokki, eins og oft áður. Dímon hefur nú unnið drengjaflokkinn í 20 skipti og 19 sinnum hefur félagið fagnað sigri í stúlknaflokki.
Nánari úrslit má finna hér.
HSK
