Tíðindamaður Dagskrárinnar var á ferð í Langholti í Flóa á dögunum þar sem hann hitti Guðna Ágústsson, ásamt Arnari Þór Úlfarssyni, tengdasyni Guðna, við stangaveiði. Hreggviður Hermannsson veiðibóndi var að kenna þeim handtökin. „Veiðistaðurinn er einn sá fegursti í allri Hvítá, fossar og flúðir, klettar og eyjur,“ hafði Guðni á orði. Þeir voru við margfrægan veiðistað, Hallskerið. Hreggviður segir veiðina trega á öllu vatnasvæði Hvítár og Stóru-Laxár í sumar. Mikil rigning í júní og þurkar og sól í júlí og ágúst, árnar vatnslitlar og veiðin því treg.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.