XB-Framfarasinnar í Ölfusi munu bjóða fram lista í komandi sveitastjórnarkosningum. Listinn samanstendur af öflugum hópi íbúa, bæði úr þéttbýli og dreifbýli Ölfuss. Frambjóðendurnir eru með fjölbreyttan bakgrunn og eiga það sameiginlegt að hafa brennandi áhuga á samfélagsmálum og metnað til að vinna að bættu samfélagi og vönduðum vinnubrögðum.
XB-Framfarasinnar leggja áherslu á að mótun stefnumála verði gerð í opnu samtali við íbúa sveitafélagsins og er sú vinna nú þegar hafin. Þetta samtal mun halda áfram með opnum fundum um tiltekin málefni en upplýsingar um komandi fundi má finna á heimasíðu okkar https://www.framfarasinnar.is/,
Facebook síðu okkar https://www.facebook.com/Framfarasinnar-%C3%AD-%C3%96lfusi-100722339269082/ og Instagram https://www.instagram.com/framfarasinnar_i_olfusi auk upplýsinga um frambjóðendur og ýmislegt fleira. Við lofum heiðarleika í okkar störfum og við munum hafa hagsmuni íbúa að leiðarljósi. Íbúar sveitarfélagsins eru hvattir til að senda okkur fyrirspurnir og/eða ábendingar um hvað það sem á þeim kann að brenna. Við fögnum því að taka samtalið en það er líka hægt að senda okkur tölvupóst á olfus@framfarasinnar.is eða skilaboð á Facebook og Instagram.
- Hrönn Guðmundsdóttir, 62 ára skógfræðingur.
- Vilhjálmur Baldur Guðmundsson, 47 ára húsasmíðameistari.
- Gunnsteinn R. Ómarsson, 51 árs skrifstofustjóri.
- Hrafnhildur Hlín Hjartardóttir, 37 ára hegðunarráðgjafi.
- Hlynur Logi Erlingsson, 28 ára stuðningsfulltrúi.
- Katrín Ósk Sigurgeirsdóttir, 33 ára kennaranemi.
- Emil Karel Einarsson, 28 ára sjúkraþjálfari.
- Sigrún Theodórsdóttir, 55 ára félagsliði.
- Arnar Bjarki Árnason, 44 ára vél- og orkutæknifræðingur.
- Helga Ósk Gunnsteinsdóttir, 19 ára framhaldsskólanemi.
- Axel Orri Sigurðsson, 25 ára stýrimaður og hundaþjálfari.
- Steinn Þór Karlsson, 83 ára búfræðingur.
- Jón Páll Kristófersson, 51 ára rekstrarstjóri.
- Anna Björg Níelsdóttir, 52 ára bókari.
Fréttatilkynning frá Framboðslista XB Framfarasinna í Ölfusi.
