Kjörstjórn Framsóknarfélags Árborgar hefur samþykkt gild framboð fimm frambjóðenda sem gefið hafa kost á sér í lokað prófkjör félagsins sem fram fer laugardaginn 12. mars nk. þar sem kosið verður í þrjú efstu sæti framboðslistans samkvæmt framboðsreglum flokksins.
Er kosningin bindandi fyrir þrjú efstu sætin.
Eftirtaldir frambjóðendur verða í kjöri:
1. sæti – Helgi Sigurður Haraldsson og Stefán Gunnar Stefánsson.
2. sæti – Ellý Tómasdóttir
2. – 3. sæti – Páll Sigurðsson
3. sæti – Díana Lind Sigurjónsdóttir
Prófkjörið fer fram laugardaginn 12. mars n.k. frá kl. 10:00 – 18:00 í Rauðakross salnum á Eyravegi 23 Selfossi.
Utankjörfundar atkvæðagreiðsla verður þriðjudaginn 8. mars, miðvikudaginn 9. mars og fimmtudaginn 10. mars frá kl 17:00 til kl 20:00 á Eyravegi 15 Selfossi.
Rétt til að taka þátt í lokuðu prófkjöri eiga allir flokksbundnir félagar í Framsóknarflokknum og áttu lögheimili í sveitarfélaginu Árborg 9. febrúar 2022.
Kjörstjórn
Framsóknarfélags Árborgar
