Að missa maka gerbreytir lífi fólks og eftirlifandi maki þarf að takast á við miklar breytingar og aðlagast lífi á breyttum forsendum. Í nóvember verður boðið upp á fyrirlestra og samtal um makamissi. Eru samverurnar samstarfsverkefni Árborgar-, Hveragerðis- og Þorlákshafnarprestakalls.
2. nóvember kl. 19:30 í Selfosskirkju
K. Hulda Guðmundsdóttir frá Sorgarmiðstöð flytur erindið: ,,Að missa makann – hvað hjálpar?“
9. nóvember kl. 19:30 í Selfosskirkju
Ólafur Teitur Guðnason flytur erindi og deilir eigin reynslu.
16. og 23. nóvember og kl. 19:30 í Selfosskirkju
Boðið verður upp á samtal um sorg og sorgarviðbrögð vegna makamissis og munu prestarnir Ninnna Sif Svavarsdóttir og Guðbjörg Arnardóttir leiða samtalið.
Fyrirlestrarnir eru öllum opnir, enginn aðgangseyrir og ekki þörf á skráningu en frekari upplýsingar má finna hjá prestunum Guðbjörgu Arnardóttur og Ninnu Sif Svavarsdóttur. Þá má benda á að á Facebook er að finna hópinn „ekkjur og ekklar á Selfossi og nágrenni“ og eru þau sem það á við hvött til þess að skrá sig í hópinn.
