Krabbameinsfélag Árnessýslu hefur fengið rausnarlega gjöf frá listamanninum Tolla. Málverkið er til sýnis í Gallerý Listasel í miðbæ Selfoss. Málverkið er málað með olíulitum. Í samtali við Guðmundu og Erlu hjá Krabbameinsfélaginu kemur fram að verkið sé til sölu og seljist hæstbjóðanda. „Það verður hægt að skoða verkið í Gallerý Listasel og bjóða í það þar fram til 28. október nk. Það verður svo afhent hæstbjóðanda þann 29. október þegar við höldum bleika boðið okkar,“ segja Erla og Guðmunda. Þá vill Krabbameinsfélagið koma á framfæri miklum þökkum til Tolla fyrir að hafa gefið verkið.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.