Laugardaginn 15. maí klukkan 15 mun gítarleikarinn gímaldin flytja verkið Jessica Joneses own Ringtone Reggae Theme Song í Gamla sláturhúsinu á Fagurhólsmýri. Verkið er 5ti og nýjasti hlutinn í seríal verkinu Kinly Related Metal-Reggaes, sem er í grunninn gítarsinfóníettur sem mætast á nokkrum sameiginlegum sviðum, einsog metal, elektró og reggae. Innri merking verkanna hverfist gjarna um persónur sem hafa haft áhrif á höfundinn, bæði raunverulega(r) og óraunverulega(r), þarámeðal; sænska lögreglukonu, danskan lögreglumann, fóstra og vinnukollega.
Verkið er búið í myndræna umgjörð sem er í senn gjörningur og sýning, og hönnuð af Evu Bjarnadóttur listamanni og sýningarstjóra í Vinnustofunni – Gamla sláturhúsinu.
Eftir sýningu verður hægt að njóta náttúrunnar og vorsins í stórbrotnu landslagi.
Sýningin er fyrir alla aldurshópa og boðið verður upp á léttar veitingar.
