Á Stokkseyri býr ungur fuglaáhugamaður og fuglaljósmyndari, Alex Máni Guðríðarson, sem staðfesti það við Dagskrána að hafa séð til lóunnar á Stokkseyri um liðna helgi. Þá bárust fregnir neðan af Eyrarbakka þar sem tjaldapar sást spígspora um í fjörunni þar. Lóan hefur lengi verið helsti vorboðinn í huga Íslendinga, en jafnan er vísað í ljóð Páls Ólafssonar um lóuna sem kemur að kveða burt snjóinn. Þrátt fyrir komu lóunnar verður kalt í veðri fram yfir páska samkvæmt fyrirliggjandi veðurspám. Myndin sem prýðir forsíðu Dagskrárinnar að þessu sinni tók Alex Máni í fyrra. Alex heldur úti glæsilegri fuglaljósmyndasíðu á Facebook og Instagram undir nafninu Alex Máni Photography.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.