Það eru ófáir matarsnillingarnir sem hægt er að leita til þegar vantar uppskrift eða hugmynd að einhverju gómsætu. Að þessu sinni er leitað á náðir Páls Sigurðssonar, vínsérfræðings. Hann lumar á sérdeilis spennandi gráðostanammi. „Alger snilld með piparkökum á aðventunni. Og jafnvel smá Portvínsglasi,“ sagði Páll um uppskriftina.
Hráefni:
120 gr blámygluostur ( 1 pakki)
30 gr smjör við stofuhita
30 gr mascarpone
2 tesk rifsberjahlaup
60 ml ruby port
Aðferð
Setjið portvínið í pott og sjóðið niður í síróp (stórar loftbólur sjást) . Látið kólna á meðan ostahræran er löguð.
Setjið allt nema portvínið í matvinnsluvél og blandið vel saman. Notið sleikju til að færa sírópið yfir í ostahræruna og blandið vel saman, þar til næstum kekkjalaust. Látið í litla skál og látið í kæli yfir nótt.
