Gunnlaugur Ingimarsson íbúi á Sólheimum opnaði bókamarkað á Sólheimum árið 2019 undir nafninu „Bókabúð Gulla“. Bókabúð Gulla selur gamlar og nýjar bækur, dvd diska og geisladiska, en áherslan er á að gefa notuðum hlutum nýtt líf. Bókabúð Gulla „er algjör gullnáma fyrir gramsara.“ Gulli fylgist vel með á netinu þegar það er verið að gefa gamlar bækur eða dvd myndir. Gulli á sjálfur hugmyndina að bókaversluninni og hefur hún vaxið og dafnað ótrúlega hratt og hefur nú þegar marga fasta viðskiptavini, og er sérstaklega vinsæl meðal íbúa Sólheima.
Gulli fylgist vel með á Facebook og á netinu og er afar þakklátur því góða fólki sem leggur 
sig fram að gefa markaðnum hluti sem það þarf ekki að nota lengur. Hann selur þá aftur á sanngjörnu verði og allir eru ánægðir.
„Hér á milli leynast ótrúlegustu hlutir,“ segir Gulli. „Fágætar bækur, plötur eftir heimsfræga listamenn og sígildar dvd myndir, fólk þarf bara að grúska og skemmta sér við leitina“ en bæði á pósthúsinu og í Bókabúð Gulla er boðið uppá þægilega sófa og kaffibolla. „Hingað eru allir velkomnir, bæði til að versla og ef einhver vill gefa gamlar bækur eða dvd myndir sem safna ryki.“
