Samsýningin Hjarta norðursins / Arctic heart fer fram þann 25. júlí nk. milli kl. 11 og 17. 
Það er hollenska listakonan Mara Liem og Páll Jökull Pétursson, landslagsljósmyndari sem halda sýninguna. Á sýningunni má finna bæði ljósmyndir og grafíkverk.
Mara Liem
Mara Liem er afbragsgóður listamaður þar sem töfrar, nánd og leikur eru orð sem nota má þegar verk hennar eru færð í orð.
Páll Jökull Pétursson
Páll Jökull Pétursson er löngu orðinn þekktur fyrir ákaflega fallegar myndir úr náttúru Íslands, en hans áhugasvið í ljósmyndun liggur fyrst og fremst í myndum af landslagi. Þá hefur hann um langa hríð verið leiðsögumaður í ljósmyndaferðum.
