Í tilkynningu frá lögreglunni á Suðurlandi kemur fram að viðbragðsaðilar á Suðurlandi séu nú við störf á vettvangi umferðarslyss á þjóðvegi 1 í Suðursveit. Þar rákust saman vörubifreið og fólksbifreið sem komu úr gagnstæðum áttum. Tvennt var í fólksbifreiðinni, erlendir ferðamenn, og eru bæði slösuð en þó með meðvitund. Meiðsl ökumanns vörubifreiðarinnar eru minni, ef einhver. Þyrla LHG er á leið austur að Hala og er stefnt á að taka sjúklingana þar um borð og flytja til Reykjavíkur. Þjóðvegurinn um slysstað er lokaður sem stendur. Nánari upplýsingar verða gefnar um leið og þær berast.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.