Síðasta umferð Íslandsmeistaramótsins í mótokross fór fram í Bolaöldu þann 31. ágúst. Iðkendur frá mótokrossdeild Selfoss hafa náð góðum árangri í keppnum sumarsins og var keppnin í Bolöldu engin undantekning.
Í 85 cc flokki varð Alexander Adam Kuc í 2. sæti en í 85 cc flokki yngri varð Eric Máni Guðmundsson í 2. sæti og Bergrós Björnsdóttir í 4. sæti.
Í unglingaflokki <17 varð Bjarki Breiðfjörð Björnsson í 3. sæti og Ármann Baldur Bragason í 4. sæti.
Í MX2 varð Heiðar Örn Sverrisson í 2. sæti. Í kvennaflokki 30+ varð Ragnheiður Brynjólfsdóttir í 3. sæti.
Frábær árangur hjá okkar fólki.
