Eins og fram hefur komið á dfs.is var Guðna bakara lokað 28. ágúst sl. og hefur það nú verið staðfest af ríkisskattstjóra að fyrirtækið varð úrskurðað gjaldþrota 26. ágúst sl.
Í samtali við DV segir Jóhannes Felixson, betur þekktur sem Jói Fel, eigandi Guðna bakara, að „bakaríið gekk ekki vel vegna mikils kostnaðar og var ákveðið að skella í lás, þar sem það var ekki grundvöllur fyrir áframhaldandi rekstri.“
Jói Fel keypti rekstur Guðna bakarís og Kökuvals á Hellu, í lok árs 2017. Heimamenn sjá mikið eftir Guðna bakara en fyrir 2017 hafði Guðnabakarí verið starfandi síðan 1. júlí 1972, þegar Guðni Andreasen og eiginkona hans Björg Óskarsdóttir stofnuðu bakaríið.
