Almar bakari opnaði nýtt útibú við Larsenstræti á Selfossi kl. 7 í morgun. „Það er virkilega gaman að vera kominn á Selfoss aftur. Við bjóðum alla Selfyssinga og nærsveitunga velkomna til okkar hingað í bakaríið,“ segir Almar bakari í samtali við DFS.is. Aðspurður segir Almar að sama úrval verði á boðstólum og í bakaríinu í Hveragerði. „Við erum svo með bakara á staðnum og það er bakað hér líka þannig að ég mæli með því að menn bregði sér í volgt vínarbrauð til okkar.“
