Eitt af markmiðum Kiwanisklúbbsins Ölvers í Þorlákshöfn er að styrkja góð málefni. Í ár styrkti klúbburinn skólalúðrasveit Grunnskólans í Þorlákshöfn vegna farar á lúðrasveitarmót erlendis. Þeir Styrmir Snær Þrastarson og Ísak Júlíus Perdue fengu einnig styrk en þeir hafa verið valdir í unglingalandslið Íslands í körfubolta í sínum aldursflokkum og þurfa að kosta ferðir á mótin í sumar úr eigin vasa. Óska Kiwanismenn þeim og meðlimum skólalúðrasveitarinnar til hamingju. Fyrir utan þessa styrki hefur klúbburinn styrkt nokkur önnur þörf málefni en þeir styrkir fóru til aðila sem eiga um sárt að binda.
Styrkveitingar Kiwanisklúbbsins Ölvers í Þorlákshöfn
