![Anna Björk bikarmeistari í latín dönsum og á leið á HM Anna Björk bikarmeistari í latín dönsum og á leið á HM](https://i0.wp.com/www.dfs.is/wp-content/uploads/2019/05/latindansarar2.jpg?fit=768%2C544&ssl=1)
![](https://i0.wp.com/www.dfs.is/wp-content/uploads/2019/05/latindansarar1.jpg?resize=281%2C300&ssl=1)
Anna Björk Jónsdóttir, sem býr á Selfossi, varð bikarmeistari í latín dönsum með herra sínum Ragnari Sverrissyni um liðna helgi. Mótið sem þau tóku þátt í fór fram í íþróttahúsinu á Álftanesi dagana 4. og 5. maí sl. og var Íslandsmeistaramót í grunndönsum á hæsta getustigi, bikarmót í latín dönsum og Íslandsmeistaramót í standard dönsum. Þau Anna Björk og Ragnar unnu flokk seniora í latín dönsum og verða fulltrúar Íslands á Heimsmeistaramóti seniora í latín dönsum sem haldið verður 8. júní næstkomandi í Slóvakíu.