Sólheimaleikhúsið frumsýnir leikritið Leitina að sumrinu á morgun sumardaginn fyrsta. Leikritið fjallar um Jón sem hefur aldrei upplifað neitt annað en sumar en lendir í því einn daginn að Kári kemur ásamt sínum mönnum og tekur sumarið til að búa til pláss fyrir haustið. Síðan koll af kolli þarf Jón að upplifa vetur og vor líka og læra að meta allt það sem gerir hverja árstíð svo skemmtilega. Svo kemur í ljós hvort hann finnur aftur sumarið.
Höfundar eru leikstjórinn Guðmundur Lúðvík Þorvaldsson, Ástþór Ágústsson og Magnús Guðmundsson. Tónlistina semur Hallbjörn V. Rúnarsson forstöðuþroskaþjálfi á Sólheimum. Rúmur helmingur íbúa og starfsmanna Sólheima koma á einhvern hátt að sýningunni.
Frumsýning er fimmtudaginn 25. apríl kl. 14:00.
Nánari upplýsingar um sýningar eru á www.solheimar.is. Allir eru hjartanlega velkomnir.
