Karlalið Þórs í Þorlákshöfn er nú á fullu í 8-liða úrslitakeppni Körfuknattleikssambands Íslands. Mótherjar Þórsara eru Stólarnir frá Sauðárkróki. Fyrsti leikurinn fór fram á Króknum og lauk honum með sigri Tindastóls 112-105 eftir mikinn spennu- og stigaleik.
Annar leikur liðanna var í gærkvöldi í Þorlákshöfn og lauk honum með nokkuð öruggum sigri Tindastóls 73-87. Staðan í einvíginu er því 2:0 fyrir Stólanna og því ljóst að staða Þórsara í einvíginu orðin nokkuð þröng. Liðið verður að vinna næstu tvo leiki til að eiga möguleika á að komast áfram.
Þriðji leikur liðanna verður á Sauðárkróki 28. mars, sá fjórði í Þorlákshöfn 30. mars og sá fimmti á Króknum 1. apríl. Nú er um að gera fyrir áhugafók um körfubolta að mæta á leikina og njóta spennunnar.
