Nýr formaður var kjörinn á aðalfundi Sjálfstæðisfélags Hveragerðis nýverið þegar Ingibjörg Zoega tók við embættinu af Elínu Káradóttur sem lét af störfum að eigin ósk. Aðrir í stjórn voru kjörnir Laufey Sif Lárusdóttir, Birkir Sveinsson, Smári Björn Stefánsson, Thelma Kristinsdóttir, Geir Guðjónsson og Andri Svavarsson.
Á fundinum voru Elínu þökkuð góð störf í þágu félagsins um leið og nýrri stjórn og formanni var óskað velfarnaðar í störfum sínum.
Sjálfstæðisfélag Hveragerðisbæjar heldur úti öflugu félagsstarfi og stendur meðal annars fyrir opnum húsum alla laugardagsmorgna í húsi félagsins milli kl. 10:30 og 12:00. Þangað eru allir velkomnir í glæsilegt morgunverðarhlaðborð.
