Nú styttist óðum í að Suðurlandsdeildin í hestaíþróttum hefji göngu sína en hún verður nú haldin í þriðja skiptið. Fyrsta keppni er 22. janúar og þá verður keppt í fjórgangi. Ellefu lið eru skráð til leiks og eru bæði ný lið og nýir knapar sem gerir deildina ennþá meira spennandi. Suðurlandsdeildin er samstarfsverkefni Rangárhallarinnar og Hestamannafélagsins Geysis.
Dagsetningar og keppnisgreinar:
- janúar – Fjórgangur
- febrúar – Fimmgangur
- febrúar – Parafimi
- mars – Tölt og skeið
Hvert lið er skipað 2–3 atvinnumönnum og 3 áhugamönnum. Á hverju kvöldi keppa tveir áhugamenn og tveir atvinnumenn, nema á lokakvöldinu – þá geta allir keppt. Áhugamaður má keppa sem atvinnumaður en atvinnumaður má ekki keppa sem áhugamaður. Áfram verður Suðurlandsdeildin einungis liðakeppni en þrjú stigahæstu liðin verða verðlaunuð í ár.
Liðin sem keppa í ár eru:
- Lið Vöðla/Snilldarverks.
- Lið Fets/ Kvista.
- Lið Austuráss.
- Lið IceWear.
- Lið Hemlu/Hrímnid/Strandarhöfuðs.
- Lið Tøltrider.
- Lið Ásmúla.
- Lið Árbæjarhjáleigu/Hjarðartúns.
- Lið Heimahaga.
- Lið Krappa.
- Lið Húsasmiðjunnar.
