Boðið verður upp á kennslu og kynningu á handboltafitness í Hleðsluhöllinni á Selfossi á morgun, fimmtudaginn 22. nóvember kl. 21:30. Er þetta jafnframt í fyrsta skipti sem þetta form af líkamsrækt er kynnt hér á landi. Henrik Jørgensen frá handknattleiksfélaginu Skovbakken í Danmörku kemur og kynnir fyrir öllum sem hafa áhuga.
Handboltafitness er fjölbreytt og árangursrík þjálfun þar sem handboltinn er í aðalhlutverki. Þar sameinast styrktarþjálfun, hlaupaþjálfun og þjálfun með handbolta. Handboltafitness er fyrir alla, byrjendur jafnt sem reynda handboltaspilara, karla og konur.
Allir sem hafa áhuga á að komast í gott form og hafa áhuga á handbolta og líkamsrækt eru hvattir til að koma og prófa. Tíminn er að sjálfsögðu endurgjaldslaus.
