Föstudaginn 23. nóvember sýnir leikhópur Vallaskóla leikritið „Dúkkulísa“ eftir Þórdísi Elvu Þorvaldsdóttir. Sýningin hefst kl. 19 og er í austurrými Vallaskóla. Leikhópurinn er samansettur af tólf nemendum úr 8.–10. bekk Vallaskóla. Hópurinn hefur æft undanfarið undir stjórn Heru Fjord leikstjóra og er sýningin hluti af Þjóðleik, leiklistarhátíð á vegum Þjóðleikhússins. Frítt er inn fyrir 18 ára og yngri en almennt gjald er 500 kr. Aðgangseyrir fer í ferðasjóð leikhópsins sem mun ferðast á leiklistarhátíðina snemma á næsta ári. Allir eru velkomnir.
DFS.is er rekinn samhliða Dagskránni - Fréttablaði Suðurlands sem gefin er út á Suðurlandi og dreift frítt í öll helstu þéttbýli frá Hveragerði austur í Skaftárhrepp.
© Dagskráin - Fréttablað Suðurlands. Öll réttindi áskilin.