Um 70 manns mættu á fund sem Umhverfisstofnun stóð fyrir á Hellu í vikunni. Fundarefnið var samráð vegna verndaráætlunar Fjallabaks.
Starfsmenn Umhverfisstofnunar lýsa ánægju með fundarsóknina, enda hafi samráðsfundurinn verið mikilvægur þáttur í gerð stjórnunar- og verndaráætlunar þar sem afurðir fundarins verði nýttar í að vinna að stefnu friðlandsins, 3. kafla áætlunarinnar.
Umhverfisstofnun leggur mikla áherslu á samráð við almenning. Því er mikilvægt að þeir sem vilja koma skoðunum sínum á framfæri varðandi framtíð friðlandsins leggi fram eigin hugmyndir og skoðanir.
Fréttin birtist fyrst á vef Umhverfisstofnunar.
